Kalkaður heilagur Georg & Gleði

Gleðileg jól elska og ég vona að jólin hafi verið dýrðleg & að nýárið eigi eftir að "rock your world":-) 

Þessi frú er búin að hafa það algerlega dásamlegt í hreiðrinum með ungum og elskhuga og til að toppa það að þá var allri familíunni skellt í "matching pyjamas" og nú svífum við á milli vistarvera í dásamlega skrautlegum röndóttum & sérmerktum náttfötum:) Og ekki annað hægt en brosa þegar maður rekst á fjölskyldumeðlim á leið úr eldhúsinu með laufabrauðsmylsnu í hárinu og troðfullan munn af Sörum:-) Við erum það sem flokkast undir "totally adorable" þessa daganna:-) 

Og að öðru:-)  Nú ætla ég loksins að láta verða af því sem nokkrar af vinkonum mínum eru búnar að biðja um undanfarir og það er að birta mynd af mínum ástkæru & endurfæddu Georg Jensen óróum;-) 

Eg er nefnilega, eins og svo margir aðrir, stoltur eigandi jólaóranna hans Georgs "frænda"sem hann "gerði" á árunum frá 1999 - 2004! Fékk þá alltaf í jólagjöf frá minni elskulegu fyrrverandi tengdó og fannst ég fyrst vera orðin fullorðin þegar ég eignaðist þann fyrsta;-) 

Ég var með þessar elskur hangandi í eldhúsgardínunni eins og lög gera ráð fyrir í nokkur ár....þangað til einn daginn að ég gat bara ekki meir....er bara einhvern ekki "the golden girl" þegar kemur að jólunum:-) Ár eftir ár tók ég þá samt upp og velti þeim á milli handanna áður en ég pakkaði þeim aftur - reyndi meira að segja að lána þá en ekkert dugði til, ekkert gerðist....þangað til um síðustu jól;-) 

Sem fyrr, var ég búin að taka þessar elskur upp úr fínu rauðu kössunum sínum og velkjast með þá á milli handanna, skimandi í kringum mig eftir hugsanlegum stað  - fyrstu jólin í nýja draumahúsinu og ekkert annað í boði en að þeir fengju að vera með í "partýinu" - en eitthvað lét staðurinn á sér standa!  Ég var um það bil að fara að pakka þeim aftur niður þegar mér verður litið á borstofuborðið! Þar standa ný-kalkaðir dýrgripir í haugum (frúin búin að vera með kalkæði síðan sumarið 2010 og á bara eftir að kalka kallinn...) og við hliðina á þeim stendur opin fata með kalklit sem ber hit fagra nafn "Calche" og er eitt afbrigðið af hinum margrómaða hvíta lit....og þar með voru örlög þeirra ráðin! Ekkert annað í stöðunni en láta vaða....þannig að ég var ekkert að tvínóna neitt við þetta meir...sá órói sem í hendi var bar ártalið 2001 og fékk hann bara að vaða beinustu leið ofan í fötuna og dúsa þar í augnablik - síðan var honum umsvifalaust kippt upp úr og hann hengdur til þerris í ljósakrónunni...þá gat ég loks farið að  að sofa:-) Morgunin eftir stökk ég spennt fram úr (gerist mjööög sjaldan) og skottaðist beinustu leið inn í stofu til að líta á Georg gamla og viti menn....þarna hékk þessi líka fagra, matta & hvíta gersemi og beið þess eins að fá nýjan borða til að geta hafið sig til flugs yfir í eldhúsgluggann...og þar hangir hann núna þessi dásemd með bræðrum sínum 1999, 2000, 2002, 2003 & 2004:-D

....og ef þeir fara að kvarta og vilja fara aftur í gamla "goldfingerinn" að þá skelli ég þeim bara í uppþvottavélina og málið er steindautt;-D

Læt svo fylgja hér nokkrar glefsur frá Jóladúlleríi heimilisins 2012:-) 

Jólaknús á línuna & gleði í hjarta:-D

Frú Púkó